Philippine Mens National Football Team Nilampaso ng Iraq. Buhok nila ay nagparang mop ng janitor!

https://indiosbravos.mixlr.com/recordings/2407554

At nagkatagpo ulit ang ating Philippine Mens National Team at Iraq. Sa ating home game, tayo ay natalo sa score na 5-0. Masakit talaga pero kailangan natin tanggapin ang ganyang resulta. Ganyan sa football. Ganyan din ang buhay. Kung hindi mo paghahandaan ang isang bagay, ikaw ay makakaranas ng pagdurusa. 

Ang Philippine Mens National Team at ang supporters nito ay sinampal sa mukha ng mapait na katotohanan. Katotohanan na matagal na natin alam at kung ikaw naman ay bobo, ito ay katotohanan na iyong kinagulat.

Noong 2010 matapos maganap ang tinatawag na "Miracle in Hanoi", nabigyan ang PFF (Philippine Football Federation) ng pagkakataon na ayusin ang football. Dumating ang mga fans at sponsors. Pero sa halip na gamitin ito para buhayin ang football at magsimula ng development, walang nangyari kasi ang responsibilidad na ito ay napunta sa mga napaka incompetent na pamumuno. Mga taong wala talagang idea.

Nagfocus din masiyado sa FIFA World Rankings, hinahabol natin kung ano itataas natin sa rankings kahit na alam naman nating hindi yun totoong reflection ng strength ng ating football dahil nagtatalo din tayo sa mga bansang mas mababa sa atin sa world rankings. Hanggang sa nagsawa ang mga tao sa football dahil walang content na maibigay sa masa, libre lang ang games sa domestic league pero walang nanonood at wala nang nanonood sa mga home games kahit na importante ang laban. Natatalo din tayo sa mga bansa na winasak ng gera kahit ilang Fil-Foreigner pa ang ilagay natin sa team. Hindi na kayang pagtakpan pa ng PFF ang kanilang pagkukulang sa Philippine Football. 

14 years ang nakalipas at nandoon pa rin tayo. Wala pa ring matinong domestic league, walang matinong structure at walang youth development. Ang mens national team ganon din ang womens national team ay umaasa lang sa makukuha nilang talent overseas. Ano pa saysay niyan para sa atin kung ang talent ay kukunin din pala sa ibang bansa? 

Gusto niyo mabuhay football? Kailangan natin ng hometown hero. Para magkaroon ng hometown hero, kailangan may totoong development sa ating bansa. Kahit abutin ng dalawampung taon ay hihintayin natin pero kailangan makita natin na magumpisa ito ngayon na.

Pilipinas contra Iraq - Isang boring na engkwentro!

Wala nang mas boboring pa sa isang football match kung saan ang isang koponan ay nagpunta lang sa laban para magkalat ng katarantaduhan. Yan ang nakikita natin pag nakakalaban natin noon ang mga bansa na kagaya ng Cambodia at Laos. Talagang gusto lang nila mang-asar. Siempre tayo na mga World Class at powerhouse ay talagang kinatatakutan ng mga bansang yan diba? Kaya naman pag ang isang powerhouse team sa football na kagaya natin ay naglalaro na parang mga tapakan, eh nakakahiya yan diba?

Nitong nakaraang Viernes ika-22 ng Marso taong 2024, isang powerhouse team na kagaya natin, ang Pilipinas na umaabot sa Third-Round ng AFC World Cup Qualifiers kahit na walang development program, walang matinong domestic league, walang training facilities, walang grass roots development at walang pake sa football, ay nagpapakita ng kabanbanan laban sa mga minnows na Iraq! Anong klaseng kagaguhan ito? Anong klaseng kataksilan sa bayan ang ginagawa ng ating football team na maglaro ng wala ang puso ha? 

Puera biro, masakit talaga sa mata ang laro ng ating Pambansang Koponan sa Football. Pero yan ang klase ng laro na kaya nating ipakita ngayon dahil diyan talaga ang estado natin. Sa katunayan, mas malala pa diyan kung hindi tayo nagrerecruit ng mga Fil-Foreign dahil sa Pilipinas, sa kahit anong larangan ay hindi natin alam kung paano mag develop ng sarili nating talento. Yan ang napapala sa sistema ng palakasan, dynasty, politica, katamaran at corruption.

84 minutes sa laban, walang ginawa ang Pilipinas kung hindi ilagay ang sampung player nila sa harap ng goalkeeper natin. Ang instructions nila ay sipain palayo ang bola sa nagiisang striker at sana palarin na siya ay maka-goal. Kung hindi, ok na yun basta ilayo ang bola sa goal ng kalaban. Masakit sa mata yan. Sa football kailangan mo maka-goal para manalo. At yan ang ginawa nila. Maraming heroic saves ang mga defenders at goalkeeper natin na si Neil Etheridge. Pero sa 84th minute, nakagoal din ang Iraq sa husay ni Muhanad Ali. Yun lang ang kailangan nila para makuha nila ang 3 points at panalo.

Ito ang dapat natin tandaan. Kahit anong heroics ang gawin ng ating defenders, lalo na ang goalkeeper natin ang maaalala lang ng mga tao ay kung sino ang nakagoal. 

https://indiosbravos.mixlr.com/events/3280456