Bakit Ang Daming Bopols Sa Pinas?

Ang kaka-Ingles natin ang nagpapabobo sa atin. Ingles ang ginagamit na mode of instruction sa mga paaralan. Salita din ito na ginagamit sa mga pahayagan at sa telebisyon. Ito rin ang ginagamit na lenguahe sa Saligang Batas. Pinagmamalaki natin na tayo ay pangalawang bansa na maraming English speakers. Pagmagmalaki tayo akala mo kung sinong mga hari na may malaking corona sa ulo pero nakatayo naman sa mataas na imbakan ng basura.

Eh ano ngayon kung tayo rin ang pinakabopols?

Ayon sa bagong pagaaral na ginawa ng World Bank, 80% ng mga magaaral sa atin ay hindi bihasa sa kaalam. Sa madaling salita, ang mga kabataan ngayon ay mga utak buris. Mga Ompong Galapong, may ulo pero walang tapon! Masama yan para sa hinaharap ng ating bansa. Itong report na ito ginagamit ito ng mga investors para malaman kung maganda ba mag-negosyo sa bansa natin. Kung makita nila ang report na ito, hindi sila pupunta dito para mag set up kaya asahan niyo na magaalisan ang mga trabaho na nasa atin ngayon dahil baba ang kalidad ng work force. Puro bobo ang nakasalang!

Bukod sa bulok na curriculum, kakulangan ng silid aralan at mababang kalidad na pagtuturo ay may malaking contribucion ang pagpilit na mag Ingles sa buhay natin!

Bakit Ingles ka ng Ingles? 

Dahil sa America. Ang orientacion ng educacion sa bansa natin ay pang America hanggang ngayon na matagal na nating nakamit ang ating kalayaan, hindi natin inayon sa kultura nating mga Pilipino. Eh kung tutuusin dapat Español ang pangalawang lenguahe sa atin kung hindi lingua franca. Kaya di natin maunawaan ang kasaysayan at nakaraan ng bansa natin dahil sa kaka-English! Hindi nga natin mai-translate mula sa Español ang halos 95% na mga documento sa national library kasi puro Inglesero mga tao sa atin. At ang pinaka masaklap sa lahat, Ingles na nga ng Ingles, ang hina naman ng comprehension. Marami sa atin mahina pagkakaintindi sa Ingles kasi wala sa puso natin yan eh. Kaya maraming nuances na hindi natin maintindihan o maipaliwanag o maihayag. 

Tingnan niyo ang daming bobo sa ropor diyan pagdating sa Math. Bakit? Kasi ang instructions nasa wikang Ingles. Hindi na nga makaintindi ng simpleng instructions tapos mathematical theory pa? At mababa overall ang rate natin kumpara sa Asia. Ang hihina ng mga kabataan na pumapasok sa colegio dahil ang napapansin ng mga educators ay karamihan sa kanila puro bobo. Hindi marunong mangatwiran, hindi makabuo ng matinong pangungusap. Sa kaka-Taglish pa ng mga gago hindi nila maipaliwanag ng mabuti ang nais nilang sabihin, hindi rin sila makaintindi ng English, Tagalog, Taglish o kung ano mang wika ang naimbento nila! Ang bobo ng mga kabataan! Tingnan niyo lang mga comments sa mga maiinit na issues na pinagtatalakayan at basahing maigi mga pinagsusulat ng mga bobong kabataan natin at makikita niyo sinasabi ko.

Yan ang resulta ng kabiguan ng Department of Education na siguruhin na maging bihasa sa Tagalog ang mga mag-aaral. Dagdag mo pa yung mga insecure na mga Cebuano na ayaw na ayaw matuto ng Tagalog. Asar na asar sila kasi na Tagalog ang napiling Pambansang Wika na gagamitin sa pagtuturo at negosyo. Pinilit nila Ingles kaya ayan ang gulo-gulo ng isipan natin ngayon. Sa sobrang gulo, kahit sila naging katawa-tawa mag Ingles at nang punahin at pintasan sila ni Gloria Diaz na isang Cebuana nagalit sila at na persona non grata pa. At may army tayo ng mga bobong tao. Kung may gera lang ng pabobohan eh mananalo tayo at tayo ang magiging powerhouse. 

Ito ang talagang problema, mahina ang kakayahan natin sa komunikasyon. Kaya ayan ang bilis mag-init ang ulo ng mga tao sa atin pag naguusap-usap. Wala nga makaunawa ng pag-uyam pag may gumagamit nito biglang nag-iinit ulo ng kausap. Ano ang pag-uyam? Sarcasm yun, gago! Tanga, bobo, gago!

Maraming bobong DDS. Maraming bobong Dilawan o Pinklawan. Maraming bobong Loyalista din! Hanapin lang ang mga maiinit na talakayang pang-politica at sasakit ulo niyo, matatawa at maiinis sa mga pangangatwiran ng mga sumasali sa comments section. Ang hina-hina pa ng pagkakaintindi sa politica at foreign policy. Kadalasan pa ng mga pinagbabasehan ng argumento nila ay base sa haka-haka, marites at bugso ng damdamin. Kaya ang pinagsasabi ay walang latoy at nakakainit lalo ng ulo! Idagdag ko pa na puro biased kaya kahit may magandang argumento yung katunggali ay walang napupulot na aral kasi magmamatigas lang sa baluktot na paniniwala. Talagang ang sarap ibaon mga ulo sa buhangin!

Ang mga kababaihan naman puro Tiktok na lang. Magsasayaw sa Tiktok kahit kita na yung kaluluwa nila. Ang lalaki nga ng mga dyoga, utak dilis naman! At pag mag Ingles na, sa umpisa akala mo ang bagsik tapos mauutal at susundan na ng Tagalog. Wala nang diwa yung sinasabi at wala nang saysay. Pero yung dyoga ang lalaki. Ewan ko ba kung dahil ba sa formalin sa isda o ginagamit na fertilizer sa mga imported na pechay galing China. Kung ano man yun, sige lang kain pa ng pechay pero sana matuto din magbasa ng aklat para magising mga natutulog na utak. Sayang eh.

School ID ng Pinoy na Estudiante.

Wala na rin gaanong nagsusulat ng mga nobela. Yung National Bookstore naging tindahan ng lapis at pentel na lang. Puntahan mo libro at ang konti ng makikita mo. Kahit sa bangketa wala ka na makikitang mga magazine. Noong dekada 80 hanggang 90 may mga komiks at magasin pa. Maraming nagbabasa kahit longky may mabibiling magasin kagaya ng Kislap. Mga matatanda may Liwayway at para sa mga bata maraming komiks. Ngayon wala na! Dahil sa bumubobong sambayanan!

Sino nga naman magsusulat pa eh hindi na makabuo ng talata mga ugok ngayon paano pa kaya magsusulat ng isang articulo sa magasin o magsulat ng isang nobela na kahit may 130 na pahina man lang. At kung meron man, walang audience dahil ang bayan natin ay napuno na ng mga ugok at utak biya. 

Kaya yun yung mga kurso at programa sa pagaaral sa atin puro nursing at caregiving. Naging training ground tayo ng mga katulong at amuyong na nagsasanay paano maghugas ng pwet at maglinis ng tae sa ibang bansa. Walang kumuha ng kurso sa siyensiya at engineering. And de-calidad na educacion para sa mga may pera na lang.

Sandali na lang ang Pinas at talagang magiging cesspool tayo at imbakan ng tae. Walang papasok na foreign investors sa atin dahil na lang sa bobong workforce, katatakot-takot na gastusan sa training at magiging liability pag gumawa ng kapalpakan sa trabaho. Dagdag pa yung kakulangan sa infrastructure at napakamahal na koryente. Mataas pa tax at talamak ang corruption kahit saan ka lumingon may mangongotong sa iyo. Tapos trapik, mainit, puro malls, walang mga puno, puro tae, madaming iskwater at beerhouse. Kaya sandali na lang ang Pinas at magiging failed state na talaga. Malulunod talaga sa kumunoy ng kumukulong tae.

Huwag din kalimutan na ang kasalukuyang kalihim ng Department of Education ay si Sarah Duterte na walang karanasan sa pagtuturo. Ang prioridad niya ay labanan ang comunismo na malayo sa katungkulan niya bilang kalihim ng Dep Ed. Kung ganyan ang situacion natin, walang problem solver at makakagawa ng magandang initiativo at sisimulan ang pagiisip ng paraan para iangat ang antas ng educacion sa bansa natin ay siguradong mabilis ang pagbulusok natin pababa at tuluyang maging isang FAILED STATE.

Pero ok lang dumami mga bopols kasi magaling naman tayo mag Ingles. 

Consolidation Ng Jeepney

 

Bakit ngayon lang? Sana naman sa susunod eh wala na jeep. Sana umpisa lang ito at palitan ng bus at trains mga yan. Puede naman training sa mga drivers para sa pag transition sa bagong trabaho. Walang imposible! 

https://indiosbravos.mixlr.com/recordings/2328531

BBM Jr sa WPS

Muling pumihit ang Pilipinas papunta sa mga bisig ng America. Talagang epektibo ang ginagawang paghimas ng America (sa tulong na din ng International Media) kay BBM Jr at ngayon ay nagbago ng direction ang Pilipinas sa policia diyan sa WPS. Ngayon ay ginagalit na natin ang China at mas provocativo ang mga talking points ng Pilipinas na tila may sinusunod na sulsol. Sino ang sulsulero? Walang iba kung hindi ang mga tarantadong Kano. 

Dapat maging maingat ang Pilipinas sa West Philippine Sea. Naiintindihan ko na kailangan natin manindigan at ipaglaban ang karapatan natin sa WPS dahil yan ang pinagkukuhanan natin ng kabuhayan. Pero may mas magandang paraan para maiwasan ang gulo at di pagkakaunawaan. Alam naman natin na kupalin ang China. Natural, communista ang gobierno nila at sa ilalim ng communistang rehimen, isa sa mga tipo ng pinuno na makikita ay mga strongmen. Kaya ang mga messaging ng mga gagong yan sa publico ay pagpapakita ng katapangan. Natural lang na magpapantig ang tenga natin sa mga statements na ilalabas nila sa publico. Ang aasahan natin sa isang leader ay pagpapakita ng composure sa publico. Importante dito ang pagiging skilled communicator. Iwasan ang mga pagpapalitan ng mga maaangahang na salita, kahit itago ito sa biro at mga pahapyaw na mga salita.

Kung matatandaan niyo noong 1960s, Pilipinas ang nauna sa mga nangamkam at nagtayo ng mga infrastraktura sa mga isla sa Spratly's. Ginawa natin yan kahit na alam nating may ibang mga claimants diyan - China, Vietnam, Taiwan, Malaysia, Singapore at Indonesia. Ginawa natin yan kasi malakas pa ang Pilipinas noon at kasama natin ang mga Americano. Ang yayabang natin diyan. Kupalin din tayo. Ganon talaga kapag lumalakas ang bansa mo, yumayabang at nagiging kupalin. Kasama pa natin ang America na isa sa mga nagsusulsol sa atin diyan na mag angkin nang mag angkin. Dalawang kupal tayo ng America eh kaya ang lakas ng loob natin. 

Pinalayas naman ang America noong 1992 at unti-unting lumalakas ang China. At habang lumalakas ang China na nagdedevelop ng sarili nilang mga kagamitan kagaya ng barco at eroplano tayo naman ay mabilis na naghihirap. Ang lakas ng acceleration ng pagbagsak natin parang buris na hindi na mapigilan ng matabang babae na mahilig mag mukbang ayun inabot sa jeep bumulusok at sumabog yung tae niya. Ganon kabilis pagbagsak natin at nawalan tayo ng kakayahan na bantayan ang ating mga teritoryo. Isama mo pa ang pagiging pabaya mula kay Cory, Ramos, Erap at GMA wala talagang ginawa para i-address ang issue. Ang nagawa lang ni Erap ay iparada ang BRP Sierra Madre, talagang pinasadsad yan ni Erap noong 1999 para gawing outpost doon. At inaassign doon mga pasaway na sundalo bilang kaparusahan. Pero ni isa sa mga gagong yan ay walang ginawang paraan para i-modernize ang airforce, navy at army. 

Kay GMA naman, isa pa na walang kwenta yan kasi economia lang ang pinagtutuunan ng pansin niyan pero walang pake sa defense. May isa ngang sundalo may blueprint ng attack helicopter pero hindi pinansin at sa frustration niya hinostage niya yung Manila Control Tower kasi naging desperado na at nahaluan pa ng pagka-bang-aw ayun tinodas ng SWAT. Nasayang ang talento. Sobrang corrupt pa ni GMA nakipag-deal sa China para mag explore sa WPS para doon sa NBN-ZTE Scandal na yan. Nagkapirmahan sila diyan at dahil diyan nabigyan ng lisensya ang China na pumasok sa teritoryo na yan. At habang nagkakagulo tayo sa Senado sa kaliwa't kanang Senate Investigations, eh busy ang China na mag set doon at isang araw wala na yung ibang teritoryo natin. Nganga na lang.

Punta ngayon tayo kay Abnoy Aquino sumaimpierno nawa. Kahit abnoy yun ha, in fairness may magandang ginawa sa pag modernize ng ating sandatahan lakas. May mga FA-50s na tayo kung di ako nagkakamali may isang dosena na na-acquire mula sa South Korea. May mga 32 Black Hawk helicopters at ilang frigates na nabili din. Noong panahon din ni Abnoy dumating yung BRP Gregorio Del Pilar at mamaya ikukwento ko kapalpakan na ginawa natin involving yang bapor na yan.

Ngayon, kahit anong ginawa ni Abnoy na hakbang para magkaroon ng bagong mga kagamitan ang sandatahan natin, may ginawa siyang malaking kapalpakan na tinatawag na Scarborough Shoal standoff. Nangyari ito noong 2012. 

Matapos mag-ikot ang surveillance plane ng Philippine Navy, nakita nila na may mga Chinese fishing vessels sa Scarborough Shoal na teritoryo natin. Pinadala ng Pilipinas ang BRP Gregorio Del Pilar at inakyat ng Navy ang mga fishing vessels na ito at natuklasan na may mga hinakot sila na giant claims, corals at mga pating. Aarestohin na dapat ang mga illegal fishermen na ito nang biglang dumating ang China Marine Surveillance 75 at 84. Nagpadala pa ng isang barco de guerra ang Pilipinas at sumagot naman ang China sa pagpapadala ng maraming barco de guerra. Ngayon, hindi makaalis ang mga barco natin dahil pag nangyari yan ay maaagaw nila sa atin ang Scarborough Shoal. 

Tuloy-tuloy ang negosasyon. Nakisali pa si Obama. Nagkasundo sila na sabay-sabay silang aalis doon para wala nang away. Naniwala si Abnoynoy at umalis na mga barco natin. Hindi umalis ang China. Pumalpak si Abnoy.

Dapat kasi ang pinadala natin para arestohin mga illegal fishermen ng China ay ang coast guard natin na wala tayo. Dapat din may Marine Surveillance ships din tayo or similar na aasikaso sa mga issues at pangangailangan ng mga mangingisda natin pero siyempre, wala rin tayo non. Kahit research vessel wala. Ang pinadala natin ay barco na pang gera at yang move na yan ay maituturing na act of war. Kaya nagpadala China ng Navy nila na mas marami, moderno at mas malakas sa atin. Kung may isang magkamali lang doon, lulubog ang nag iisang bagong barco natin na pinaglumaan na ng America.

Nagpakita ng isang malaking kabobohan si Abnoy doon kaya nawala ang Scarborough Shoal sa atin. 

Dumating naman si Duterte at naayos yung issue natin sa China at Scarborough Shoal. Pinayagan na ulit tayong mangisda sa sariling teritoryo natin ng China na bagong may-ari na kumokontrol sa Scarborough Shoal. Ang alat pala ng luha.

Marami tayong matututunan sa foreign policy ni Duterte. Tama siya na dapat ayusin natin ang relasyon natin sa China dahil bukod sa superpower na sila, sila rin ay malapit sa atin. Kung may utak ka, hindi ka maghahanap ng gulo sa bansang malapit sa iyo. Lalo na may kakayahan sila magpadala ng nukes para mabura na tayo sa mapa.

May mga ka-engotan din si Duterte dahil hindi rin siya marunong magbalanse. Puede ka maging palakaibigan sa China pero dapat magpakita ka rin ng respeto sa sarili at iwasan ang mga salitang "Gawin niyo na kaming probinsya, China" dahil lahat ng mga kiss ass moves niya ay hindi nagresulta sa mga high value investments. Ang nakita ko lang ay Pogo na illegal na activity sa China at bagay na kinaiinisan nila sa atin ang pag-accomodate sa mga Pogo nila. Mataas din ang trade deficit natin, mas madami tayong export kesa sa import at magandang bagay yan para sa local produce pero importante pa rin na may high value investments. Puro pledges lang na wala namang natupad kagaya ng Mindanao Rail.

Diyan dapat matuto si BBM Jr. Iwasan ang gulo at huwag magpapauto sa America na gusto lang nila magkagulo tayo at gawin tayong punching bag. Ano gagawin nila sasaklolo sila sa atin? Hindi mangyayari yan. Tingnan niyo nangyari sa Ukraine. Sasaklolo lang ang America sa Taiwan dahil may mataas value ng Taiwan sa atin. Doon galing mga microchips na ginagamit para sa mga smartphones at laptops. Ano sa atin? Abacca? Wala tayong value diyan. At matuto siya sa nangyari sa tatay niya kung paano siya trinaydor ng America. 

Kaya dapat matuto si BBM nag magkaroon ng mahusay na foreign policy. Friends to all, enemies to none. Hindi dapat ipagtabuyan ang China at Russia. At hayaan magsumamo ang America. Kasi kahit anong gawin niya, mabango siya ngayon pero pagkatapos ng kaniyang termino ay magbabalik sa default settings ang America at foreign media. Siya ulit ang "Son of the late dictator" at muling aalingawngaw ang "Never Again" na slogan ng mga taga UP.

Walang Naipanalong Labanan si Andres Bonifacio

Read them and weep. Pakinggan niyo rin ang analysis natin sa ating online radio platform!

https://indiosbravos.mixlr.com/recordings/2324356

Antonio Luna at ang nangyari sa estasyon ng tren sa Cabanatuan

Check niyo latest analysis ko sa ginawang kabulastugan ni Antonio Luna sa estasyon ng tren sa Cabanatuan para maliwanagan kayo at maunawaan ng mabuti kung bakit tinodas si Antonio Luna sa headquarter ni Aguinaldo sa Cabanatuan.

https://indiosbravos.mixlr.com/recordings/2324773

Live Tayo! Azkals Naman Pagusapan Natin at Ang Bagong Cancer na si Stephan Schrock

 https://indiosbravos.mixlr.com/events/2910110

Gold Sa Asian Games Basketball Kaya Ba Nating Ulitin?

Pilipinas

Magdiwang ngayon sa tagumpay ng ating Pambansang koponan sa basketball. Ito ay pinaghirapan at ito ay karapat-dapat. Hindi natin ito inaasahan at ang ating koponan at lubos-lubusan ang pinagtagumpay sa Asian Games Basketball. Pero kaya ba nating ulitin?

Isa sa mga napatunayan ng koponan natin na dinadala ni Tim Cone ay hindi kailangan ang matagalang paghahanda na laging inuulit-ulit sa media, sports analyst at mga basketball stakeholders kagaya ng SBP. 

Yan ang matagal ko nang sinasabi! Basta may maayos na leadership, kahit anong tournament salihan natin makakahanap tayo ng paraan na manalo. Basta wala nang mga Chot Reyes at Yeng Guiao, makakaasa tayo ng tagumpay.

Pero importante na maintindihan din natin na ang Asian Games basketball ay non bearing na para sa mga East Asians kagaya ng China, Japan at Korea. Tayo ay nagkaroon ng advantage dahil kahit hindi pa Team A natin naipada, ang mga kalaban naman natin ay mga Team B players ng kani-kanilang bansa. Ang kalahati ng ating teams ay nag representa sa nakaraang Basketball World Cup nitong Setiembre lamang at lahat ay mga professionals. 

Ang Iran ay nasa rebuilding phase at binubuo ng mga kabataan. Kahit natalo natin sila, binuhos natin ang laro na naging malaking tulong para sa development ng kanilang mga players. Aasahan natin na ang mga manlalaro ng Iran na ito ang magpapahirap sa atin sa susunod na mga taon habang ang mga players ng Gilas Pilipinas na nakakuha ng experience sa tournament na ito ay mag reretiro na. Ang mga players na sunod na sasabak ay walang experience kaya lagi tayo nasa rebuilding stage.

Umpisa na ng mga liga sa Japan, South Korea, Taiwan at China kaya hindi pinalahok ang pinakamahusay na manlalaro nila. Ang mga nakatapat natin ay mga university students. Oo, mga bata. Malaking disruption naman ang dinulot nito sa domestic league sa bansa natin kagaya ng PBA na napiliting ilipat sa Noviembre and umpisa ng liga.

Kailangan talaga natin i-reexamine ang Asian Games Basketball. Ang Asian Games Basketball (at SEA Games Basketball at Jones Cup) dapat ay ginagamit natin na tournament para makakuha ng experience ang mga Youth Teams. Dapat mga Under 23 pinapadala natin diyan. Hindi siya importanteng tournament sa basketball dahil hindi naman yan path para sa Olympics at Basketball World Cup. Kaya ang East Asian Countries ay hindi nagkukumahog para dito. Tayo lang. Siguro secreto na pinagtatawanan tayo ng mga basketball federations nila.

Bakit wala tayong mas sustainable na program o sistema kung saan makakapagpadala tayo ng mga youth teams o tawagin nating Team B kung saan ang mga manlalaro na ito ay makakakuha ng mahalagang karanasan sa paglalaro at makatulong sa development nila? Kaya nga sobrang dominante ng mga batch ng players noong 1987-1989 kagaya nila Benjie Paras, Hector Calma, Allan Caidic, Patrimonio, Magsanoc atbp dahil sa paglalaro sa international tournaments dito sa Asia. Ito ang programa na dapat natin balikan at hindi yung programa na sinet-up ni Banchot Reyes noong 2007. 

Oo, ang blueprint ng programa natin ay nagmula kay Mr Learning Experience - Banchot Reyes. Kabahan tayong lahat! Kahit nag resign na sa pagcocoach ng national team ang ungas na yan, patuloy na naghahasik ng lagim ang kaniyang banban system na sinusunod natin dahil walang critical na nagtatanong at nagchachallenge sa bulok na sistema na yan!

Nakikita niyo na ba ang problema? Nakikita niyo na ba kung bakit ang mga kabataan natin sa basketball ay kulelat at hilaw na hilaw pag akyat sa pro leagues? Nakikita niyo na rin ba kung bakit hindi tayo pinapansin ng mga scouts para maglaro sa NBA at Europa? Nakikita niyo na rin ba kung bakit kapag makaharap na natin ang totoong national teams ng Japan, South Korea at mga Middle Eastern countries ay nilalampaso tayo?